روايه عشق حتى الموت >> روايه حقيقه

السلام عليكم

كيفكم

منزله لكم اليوم روايه عشق حتى الموت وان شاء الله تقرونها وتعجبكم

كاتبت هذه القصه من صديقه صاحبها

..............................................................................................................................................
الجزء الأول

اليوم جايبه لكم قصة واقعية وحاصله جدام عيني...يمكن بعض احداثها محد يصدقها لكنها حقيقية...للأسف و تعور القلب...للأسف هذي قصة توأم روحي وصديقة عمري... (( فطوم ))...

فطوم بنوته عمرها 18 سنة آخر العنقود في بيتهم طبعا" مو في بيتنا هههههه..عندها اخوا اثنين و اخت وحدة...اهيا وايد حبوبه...وحساسه اكثر من الازم..بنت رزينه تكانه....ماتعترف بالحب و لا قصص الحب برغم من انها من هواياتها كتابة الخواطر و اسلوبها حيل حلو..كانت البنت الوحيدة اللي بالصف المدرسه ترفض هالقصص و تقول الحب بعد الزواج....واهيا الوحيدة اللي كانت بعيده عنا ..كنا نحسها غامضه وايد...
احنا كلنا كنا قروب بالمدرسه...
(( فطوم و رزان الا اهيا انا و مريم و فطوم بنت ثانيه..بس تشابه الاسماء لا يفسد القضيه ههههههههههه ..وكذا بنت من الجاليات العربيه بالبحرين... سمية و ريم و كذا بنوته لها دور حقيقي بحياة فطوم.. ))

المهم فطوم تعرفت على صديقة عن طريق مجلة " ماجد " هههههه من قبل 7 سنوات و صاروا اصدقاء وايد و قريبن الى بعض...صديقتها اسمها ذكرى من تونس...
ذكرى بنت يتيمة عايشه مع امها و خواها الوحيد...
تعلقوا ببعض وايد...وحبوا بعض وايد و عاشوا صداقة حقيقة برغم من انهم ما التقوا و لا مرة...استمرت علاقتهم عن طريق المراسلة بالبريد و الاتصالات ..حصلت مشكلة بينهم...وماكنت تدري فطوم انه هالمشكلة راح تؤدي الى قطع العلاقة ...!!!

فطوم قالت : معقوله مع بعد هالسنين ولسبب بسيط نفترق...!!
بقيت جنبها انا...وكل الاصدقاء...

حاولنا نخليها تنسى اللي صار وانه مو معقول يفترقوا لسبب بسيط...
مجرد في حالة غضب رفعت فطوم صوتها على ذكرى و راحت تصارخ...!!
ذكرى تعبت وايد وايد لانه حساسه وكل شي يأثر عليها...وانقطعوا عن بعض لمدة شهور ....
فطوم...صارت انطوائيه اكثر من الازم وكانت كل ما يشوفونها اهلها و خوانها بهالحال يهاوشونها...ظلت بالايام ماتاكل...صديقة عمرها...معقول تنقطع علاقتهم....
منو راح يشاركها همومها...!! منو راح يخفف عنها آلامها...!!
كنت نحاول بالمدرسه نخفف عنها و نسوي مقالب
بالحصص ...نحاول نخليها تلتهي ويانه وتنسى اللي اهيا فيه..

رزان : فطوم...تبين ماي بارد..
مريم : لا يفوتج فطوم الماي ثلج ولا ماي فريج بو صالح ههههههههه ..اخذي بردي قلبج شوي..
فطوم : يالله وياكم...

وراحوا يغسلوا وجوهمم...والمعلمة تشرح الدرس..
التفت لهم...!!
قالت احنا مو بحمام عشان كل وحدة تغسل ويها..
وعطتنا محاضرة طوويله..

اهيا لو تدري انه احنا كنا ناكل شنو راح تسوي !

عدى اليوم على الف موقف...وكان كل همنا نخلي فطوم تنسى..

صارت الساعه 1 ونص و كل بنوته رجعت البيت..
اتصلت انا بفطوم..
رزان : هلا عمري هلا قلبي هلا حياتي هلا فطوم
وحشتيني ما شفتج من سنييين ههههههاااااي..
عاش من سمع صوتي..
فطوم : هلا رزون.توني راده من المدرسه..تعبانه وايد
وصاكه فيني الدينا..
رزان : شنو رايج امر عليج نتغدى في بيت مريم نسوي لها مفاجاه
هههههههههههههه..
فطوم : لا لا مو حلوة..فشله...
رزان : يالله كلنا ربع وعادي بناخد ويانه الغدا...
فطوم : اوكي...والله القعدة وياكم تنسيني هموم الدنيا الله لا يبعدني عنكم يا احلى ربع بالدنيا..
المهم فطوم قالت الى امها تجهز لها من الغدا لانه رزان راح تجيها و يروحون بيت مريم يتغدون...
صارت الساعه 2 ونص و جت رزان الى فطوم و راحوا الى مريم
طقووا الجرس...
موجودة مريم..!!
اخوها : روحوا لها الغرفه
رزان و فطوم دخلوا غرفة مريم ..والله لا يوريكم...
عافستها عفاس..
رزان ماطقت الباب..فتحته على عدال...
لقيت مريم نايمة..!
قالت نايمة مو نايمة انا بقول الى خالتي ام مريم تحط لنا من غذاهم..
وبنتغدى..
واهيا قعدت اهلا" و سهلا" ما قعدت بالطقاق...
ههههههههههههههه..
تغذينا وكل شي..انا و فطوم..
ومريم نايمة...
بعدها تذكرت علينا تقرير الى الكيمياء..
وهالمعلمة فلم هندي حصتها..
تشرح لنا بميكرفون..
وكنا نقول لها التشبة بالمغنيات حرام
ههههههههههههههههه
المهم شغلت انا جهاز مريم و معاي فطوم..
طلعنا تقارير..
وكل شي و الهانم نايمة...واهيا بالاحرى طول اليوم نايمة حتى بالمدرسه كله نايمة...
قالت فطوم خليني شوي اتصفح الجريدة يمكن نشروا لي
وقعدت فطوم على الجهاز...(( بس ما تكسر )) هههههه
دخلت منتديات وايد وانا يمها.....وتحاول تقتل الجو قبل ما يقتلها...

وكانت تنزل خواطرها الحزينه اللي تعبر عن حالها...وماكانت حاطه ببالها شي...مجرد طرح المواضيع...
وهذي احدى خواطرها... اللي عجبتني وطلبت منها ان تنشرها بأسمي بأحد الجرايد..ونشرتها.

على اكتافي
كطفلة صغيرة
احمل ذكرياتنا وامضي
من ليلة الى ليلة
ومن نجمة الى نجمة
غير واعية ٍ
لمايحدث حولي من تبدلات في السنين
فأطلب من الربيع
ان ياخذ الوانه وابتساماته
ويرحل
ومن الشتاء
است************************ عواصف ثلجية
لاطفئ فيها حرائق الشوق
والغربة
ويزورني المطر مرحا
ً ويفهم باني وحيدة
وتناديني المرايا
والاغاني
والنجوم المضيئة
فتفهم باني وحيدة
عندها
اخبأ عند كل زهرة غافيه
وكل غيمة مهاجرة
وكل دمعة ناعمة
سرا ً صغيرا عنكِ
وأحزن
لأنك..
لأنك تركتني
كطفلة صغيرة احمل ذكرياتك ِ
وأمضي

ولمى كنا نتصفح المنتديات..اللي اهيا مشتركة فيها..
جتها إضافة بالمسنجر..من عضو اسمه هادي..
ماكنت تدري هذا منو...
قام يكلمها بس اهيا ترفض لانها قالت انا ما اكلم حد ما اعرفه...
قالت لي رزان..شوفي هذا منو...!!
تعرفيني اولاد ما اكلم...ومالي مزاج خرابيطهم..
ممكن اتعرف...وما ادري شنو...
المهم انا هم قلت لها مالي مزاج...وسكرنا المسنجر...
وصحيت مريم...وقعدنا نحل الواجبات...
هههههههههههه ذاك الوقت كنا بصف اول ثانوي... 

صار الليل...والكل رجع البيت...

فطوم فتحت جهازها...تشوف الردود على الخواطرها..
وكان في احد الردود رد الى عضو اسمه هادي..!!
فطوم..وايد شدها هالكلام و طريقة الرد..
دخلت المسنجر وشافته اون لاين..!!
بس اهيا ما حبت تكلمه...
لانه ما تكلم حد ماتعرفه...

المهم مع مرور الوقت..هادي

راح يراقب ردودها بالمنتدى..وشلون نفستها...
وبما انه المراقب العام بالمنتدى..طلع مكان سكنها وعرف انها من البحرين...وهوا طبعا" كان من الكويت...
وفي احد المرات...كلمها من بعد ما طلعت من المستشفى لانها صارت وايد تعبانه نفسيا"...
قال لها.. : اذا انتي حزينه و مضايقه لفراقك شخص عزيز عليك..
هونيها وتهون ترى مصايب الدنيا اكثر واكثر من ما تتخيلييين..
فطوم : تتوقع يا هادي عمري 16 سنة عمر اتحمل كل هذا..
انا ما حبيت شخص عشان الكل يلومني و يقول لي ابتعدي...
علاقتي شريفه مع صديقتي....
هادي : معقوله !! عمرج 16...لالا
اقطع يدي اذا مو في الثلاثينااات !!
فطوم : ههههههههه ليش لهدرجة كتاباتي و طريقتي باينه اني اكبر من عمري ؟
هادي : يعني اسلوبج كأنه فيج هموم الدنيا كلها...
فطوم : انا ما عمري تعبت كثر هالمرة...هذي صديقة عمري شلون نفترق.....
هادي : عارف العلاقة علاقة صداقة و اخوه...
بس حرام اللي قاعدة تسوينه بروحج...الناس تروح و ترد ...
بس الروح اذا راحت محد يرجعها..
فطوم : هادي ياخوي انا تعبت ذكرى كانت اقرب الناس لي والوحيدة اللي اشكي لها...وقول لها اللي بقلبي ....لانه محد من اهلي مفتكر فيني ويسال عن حالي...او بالاحرى...محد يكلمني الا وقت الغذا او اذا بنطلع....
يعني تخيل انسان متعود عليه طول اليوم معاك فجأه يبتعد عنك...!!

هادي : قولي لي شنو صاير ...وشنو السبب..يمكن القى لج حل..!!
فطوم : ما اقدر ...ما اقدر حاسه حالي مخنوقة و لو ظليت اكثر مجابلة الكمبيوتر راح ينفجر راسي....اعذرني اخوي هم امي راح تفضل النت و تاخذ مني الهاردسك...!!

هادي: بس ثواني تعالي..شنو فيج قولي لي...والله حرام عمرج 16 سنة و قاعدة تسوين بروحج كل هذا ....ترى الله راح يحاسبج...

فطوم :...............OFFLINE

******************

تابعونا مع الجزء الثاني

الجزء الثاني

*****************

فطوم راحت...وظل هادي يسأل نفسه معقول في صداقات حقيقة بهالزمن...!!
عشان يخلي هالبنت تعذب روحها بهالطريقة الجنونية....
وراح يشوف مواضيعها كلها...ويقرء كل سطر من خواطرها...لين ما عرف أسلوبها...في كل كلمة تكتبها....

وظلت فطوم شغله الشاغل بالمنتدى.....

اما فطوم....فراحت تقرأ الرسائل اللي كانت توصلها من ذكرى و باقي اصدقائها
اللي تعرفت عليهم من مجلة " ماجد "...!!!

وما خطر ببالها هادي...وما سألت نفسها ليش اهوا يحاول يعرف شنو فيها...!!
لانها تفكيرها بريئ و طفوليه حيييل : )

وماكنت تدري انه الدنيا بدور و بتخليها تعشق و تجنن على هادي...

هالانسان اللي تعب ولازال يتعب عشان يرد فطوم إنسانه طبيعييه...
مثلها مثل أي بنت بسنها...

المهم...بنفس الليلة...
فكرت فطوم تدز رساله الى ذكرى و تكتب لها كل شي وتذر لها هديه...
دقت على رزان..و مريم و صار 3 خطوا...وتكلموا بقصتها...
وكأنه ما عندهم الا قصة فطوم و ذكرى الا بعدها انقلبت الى فطوم و هادي
هههههههههههه...

اتفقوا على كل شي وقالوا بعد طلعتهم من المدرسه بيروحون السيف و لا
الدانه..يتغدون و يشترون هديه الى ذكرى....

ولمى صار الفجر...
وكل بنوته تجهزت الى المدرسه.......ومثل كل يوم لازم اذا مو مشغلين الجهاز
يدقون الى بعض رنات او يتصلون لبعض و يصبحون على بعض...

فطوم و رزان و مريم في الطابور...

مريم لابسه جوتي احمر....

ورزون متكحلة.....
مثل كل يوم لازم يجون وفي شي ملفت فيهم ولا يجوزون..وبذات مريم....

صار تفتيش...وحاله....وطلعوا رزان و مريم الى المشرفة...
وعطوهم تعهد....
وظلت فطوم مع باقي البنات...
كان عندهم اول حصة حاسوب...
راحت بسرعه فتحت المنتدى............
لقت رساله...من هادي.................

اتمنى منج تردين على رسالتي و طمنيني عليج كل يوم...
ارجوج اختي..اتمنى ما تخلي ببالج اني شاب ابي اتسلى او شي ثاني...
اتعبريني اخوج الكبير تراني اكبر منج بعشر سنوات...
وحالتج وايد مأثر فيني و ظليت طول البارح أسأل نفسي ..
معقول في صداقة حقيقة ...معقوله في حب بهالزمن...!!
وكلام وايد ما اقدر اذكره ..(( لانه فطوم مانعتني هههههههه ))

فطوم حاولت ترد على الرساله.....بس المسكينه ماتدري انه المعلمة وراها و شافت الرساله و حاولت تسوي لها قصة ....

معلمة الحاسوب : رسائل غراميه و بالمدرسه ...!!
فطوم : معلمة والله هالرساله بالمنتدى وانا ما ادري عنها...

معلمة الحاسوب : والله اذا تكرر هالشي خلي ببالج الموضوع بيوصل الى اهلج...!!

فطوم نزلت راسها وحاولت تسكت وماترد على المعلمة...اللي طلعتها غلطانه قبل ما تدري شنو صاير....

رجعت رزان...و مريوم...وهما يضحكون كالعادة....

رزان : فطوم شنو فيج مضايقه ...؟

مريم : فااااااااااااتي فطوووووووووووم فطم طم....اكييد المعلمة خليها عنج واكيد شي تافه و ماله معنى....

فطوم : انا فتحت المنتدى و لقيت رساله من هادي ....
وانه يسأل عني وشنو صار لي...

مريم : شكله الولد طاح في شباك الحب هههههههههه

فطوم : لا لا شكله ما عنده هالسوالف ....وانا هم عادته مثل اخوي...ومستحيل العلاقة تتطور لانها علاقة نت و ما اوثق فيها لو شنو يصير...

رزان : وهذا شنو يبي داز لج رساله ؟

فطوم : يسأل عني و يقول لي يبيي حاول يساعدني...لانه حالتي وايد مضايقته...
وكلام...ولمى حاولت ارد عليه طاحت على المعلمة و راحت تهدد ...

والله رزان ما سويت شي....غلط....

رزان : ما عليج منها والله لقلب لج الحصه....ضحك و خليها تندم انها صارخت عليج...

وكملت الحصة....ويازعم...
رزان منتبهه و تشارك....

*****************

يتبع

تابع الجزء الثاني

*****************

المعلمة شبكت كل الاجهزة معاها و قالت الى الطالبات كل وحدة تشوف جهازها راح اشرح لكم....
اما رزان راحت قالت الى كل الطالبات...كلكم سوا الجهاز ريستارت....
هههههههههههههههههههههههه و الكل انقطع عنده و المعلمة قالت اكيد بالموضوع شي....
على ما المعلمة راحت تشوف اجهزة الطلبة....
مريم قطعت النت....وخلت المعلمة تعصب اكثر....
وطول الحصه المعلمة تسال منو قطع النت...!! و شنو فيهم الاجهزة ما يرضون يشبكون وياي...لين ما طق الجرس...
هههههههههههههههههههههههههههههه
عدت الحصص على خير....
وصار وقت الظهر.....تجهزوا و راحوا الدانه يتغدون....
وحاولوا يشترون هديه الى ذكرى....وكل شي....
لين ما صار المغرب....
وبذاك الوقت هادي..كان يحاول يطلع رقم فطوم...من الرسائل الخاصه قال يمكن
دزت رقمها الى احد العضوات....
لين ما طاح على الرقم......!! ولقى رقمها.....
حاول يتصل لها بس كان خايف....
دز مسج فاضي لها....!!
اهيا فزت من مكانها...
فطوم: رزوووووووون واصلني مسج فاضي من رقم كويتي !!!
رزون : امممممممممممممممم...شي حلو يوصلج مسج من الكويت هههههه
مريم.. : بدينااا بهالحركات اخاف انج مرقمته و تبين تسوين روحج ماتدرين
ههههههههه...
فطوم : والله العظيم رقمي ما عطييته حد وانتو تعرفون مستحيل اوثق في الشباب...
وقالتها بصريح العبارة كلهم خونه...!!
واللي يسمعها يقول انها ...عايشه الف قصة حب...
رجعنا بيت فطوم...وذاك اليوم اتذكر ما حلينا الواجبات....وكنا نغلف الهديه و يا فطوم لانه بعدها بنروح البريد يوم ثاني....
مريم : فطوم وين الهاردسك ليش كمبيوترج أقرع ههههههه !
فطوم : امي ما خذته و تقول ما برده الا لمى تردي مثل الناس...
رزان : لا تخافون الحين ايييبه لكم...خالتي ما ترفض لي طلب...
راحت رزون الى ام فطوم...
رزان : ها خالتي شلونج شخبارج عساج طيبه....ما عليج امر بغيت الهاردسك ضروي علي تقرير ما سويته و النت مقطوع عندنا تعرفين بتلكو كل يوم و الثاني و ما قطعوا النت !!
ههههههههههههههههههه
ام فطوم : اوكي بس لا طولوون....
رجعت رزون و بيدها الهاردسك...وتهاوشوا كل وحدة تبي شي ...مريم طبعاا" تبي تدخل حدود....كعادتها...
و رزان تبي تفتح الايميل...و فطوم تبي تشوف المنتدى....!!!
فتحت رزون الايميل اول شي بما انها اللي جابت الهاردسك..
و بعدها فطوم...راحت ردت على هادي...وكتبت له...
اخوي هادي...
اتمنى ما كونت عني فكرة غلط...او بالاساس انك ماخذ عني فكرة غلط و هالشي اللي خلاك تدز لي رسائل و تسال عني ....
يمكن تقول معقدة...بس هذي شخصيتي....وما صار لنا شي من كلمتك بالمسنجر..عشان تهتم فيني لهدرجة...
وآسفه اذا ضايقتك...
بس انا ما احب صداقات النت...وبذات مع الاولاد...
لانه ماكو صداقة بين رجل و امراءه...
وسلام
(.........) طبعا" كانت كاتبه اسمها اللي بالمنتدى بس اهيا الحين مب راضيه اكتب شنو ... هههههههه...
وقامت فطوم و قالت لمريم لا تسكري صفحة المنتدى و خليني بالمتواجدون حاليا".....دخلت مريم بحدود و ما ادرك ما يحصل بحدود..!!!
ظلت تسأل رزان...شنو رايج بصداقات النت...
وهل توثقين باللي يكلمج..انه بنت لو قال لج بنت...او يطلع جذاب...!!
رزان : والله ما ادري شقول لج بس انا عمري ما تعرفت على احد بالنت...
لاني مثلج تقدرييين تقولين ما اوثق...بحد....
عدت الساعات و تعشوا.. و رزون و مريم راحوا بيتهم و تفقوا على انهم يحاولوا يتسربون من المدرسه و يروحون مجمع البحرين لانه فيه بريد ههههههههههه....
ام فطوم نسيت....موضوع الهاردسك...
وفطوم استغلت الفرصه و ظلت سهرانه تقرأ خواطر و تتصفح المنتدى...ولقت هادي اون لاين ..طول اليوم...
((ألمسكين عذبته من يشوفها اون اهيا تطلع من المسنجر ))
دز لها ايميل...
اختي...لو لي خاطر عندج...كلميني بالمسنجر ثواني ارجوج...
نسيت فطوم الرساله...لانها كنت مشغوله مع كتابة الخواطر...(( ما ادري شنو تقرب لنزار قباني هههههههههه ))
دخل هادي اون لاين وكانت الساعه بحدود 12 ونص الليل...
كتب لها اختي اعتبريني طبيب...اعتبيريني اخوج عمج ابوج خالج..اعتبريني أي شخص لازم يكون بحياتج و انتي تحبين تشكين له....
قالت له : لهدرجة موضوعي شاغلك..!!
هادي : والله ما اجذب عليج انا اول مرة اشوف بنت قلبها صافي...وما اهتمت لرسائلي او بمعنى ثاني...تجاهلتني..عكس بنات المنتدى...وايد خفيفات و يبون أي موضوع يفتحونه معاي عشان اكلمهم....
فطوم : ليش انت منوو اللي كل البنات ميتييين عليييك..!!
هادي : هههههههه لا من صجي اختي..انتي صار لج كم شهر معانا ماتدرين في البنات و حركاتهم...و لو اقول لج شنو يصيرر ما تصدقين...
اللي تحط لي عينها و لي تحط لي صورتها و تقول لي بليز احذفها طلعت بالغلط...
واللي يسمع انا ميت عليهم....انا شاب رزييين عمري 26 سنة...تشووفينه عمر شخص مال حركات مراهقيييين...!!
فطوم : وانا عمري 16 سنة يعني بابا ههههههه...!!
هادي : هههههههههههههههههههه ناديني بابا ماما أي شي بس اهم شي اني اكون شي بحياتج....
فطوم : مستغربه....حطت علامات استفهام اكييد بالمسنجر مو على ويههااا ههههههههههه...
هادي : شنو فيج ...والله من كل قلبي ابيج تكوني انسانه عاديه ما اقدر اشوف حد حزين ومضايق...وانا بإمكاني اني اساعده...
فطوم : الله كريم يا هادي و خليها على الله...
هادي::انا كل ساعه اقول لج اختي انتي شنو اسمج..!!
فطوم : فاطمة...
هادي : ونعم والله..عاشت الاسامي...
فطوم : تسلم..يا خوي...
هادي : فطوم انا مضطر اروح غصب عني والله وراي دوام والحين الساعه 2 ولازمني اصحى 5..
فطوم : امبييييييييييييه حتى انا لازمني اصحى...5 وراي مدرسه....
فطوم و هادي طلعوا من المسنجر...بس فطوم ما سكرت الجهاز....خلته اوي..!
وخلت راسها ونامت....
دقت المنبهة او بالاحرى دقت لها مريم وصحتها...
على طول شغلت الشاشه و شافت هادي مصبح عليها...
صباح الورد يا احلى فطوم بالدنيا..يالله شدي حيلج بالدراسه وانشالله بالتوفيق..
ردت عليه...مشكور اخوي وانت هم انشالله يكون يوم حلو عليك....

*****************

الجزء الثالث

راحت فطوم المدرسه مبجر و بيدها الهديه...وفرحانه حيل...انها بتدز الهديه و انها تعرفت على انسان مثل هادي...بس كانت حاطه ببالها انه تعرفت على اخ و استاذ و طبيب نفسي (( مثل ماكانت تقول لنا ههههه )) لا اكثر و الا اقل بعكس هادي الا قلبه دق لفطوم...
اجتمعت باالصف مع مريم و رزان....وقاموا يتفقون شلون بيروحون البريد...وبيرجعون المدرسه...!!!
كانت رزان وايد خايفة...انها ما تقدر تنفذ الخطة و تطلع من المدرسه و ترجع من غير محد يحس لها...خصوصا" انه البريد يسكر العصر....على حسب علمنا...
وبين ماكنا بهالحال....شفنا وحدة من البنات (( سمية من اليمن )) تقول انها راح تساعدنا ولا تخاف .. لانه من بعد شووي اهيا راح تطلع من الباب الثاني للمدرسه و راح تطلع ويا الحبيب (( عزيز ))هههههههههه..احنا فرحنا وايد ...و الخوف انتهى....لانه لقينا منقذ لمصيبتنا...عطيناها الهديه و الفلوس و العنوان و فهمناها كل شي...
صارت الساعه 7 و قدرت سمية تهرب من المدرسه و من غير محد يحس لها و بذات الناطور و المشرفين...
بديت الحصص الاولى واحنا نحاتي شلون سميه راح ترد المدرسه كنا حاطين ببالنا انه راح ترد بالفسحة....لكن صدمتنا لمى دقينا عليها انها راح تبقى الى نهاية الدوام و راح نلتقي عند نهاية الشارع مال المدرسه..!!
صارت الحصة الرابعه...!!
وصارت المصايب و البلاوي....!!!
اخت سمية (( سلمى )) جت لنا الصف تسأل عن سمية...!!
سلمى : رزان...وين سميه ما شفتيها ...!!
رزان : سميه من الصبح ما شفناها..شكلها غايبه !!
سلمى : شلون غايبه..!! واهيا جايه معاي المدرسه..!!!
وابوي اللي موصلنا....عند الباب !!!
رزان : والله ما شفناها....عندج كل البنات سأليهم....
الكل قال محد شافها لانه سمية قالت الى البنات قولوا هالكلام...!!
المهم..رزان حست بتصير مصيبه....حاولت تدق على سميه و تقول لها رجعي المدرسه ...صايرة البلاوي......
بس جهازها مسكر...وعلى ما اهيا تحاول...!!
دخلت المشرفة الاجتماعيه صفنا....!!!!!!!!!!!! ومعاها سلمى وكانت مسويه فلم هندي تبجي و تقول ابي اختي..!!! مع انها اول وحدة تدري وين اختها هههههههههههههههههههههههههههههههههههههه.....
(( لانه الطيور على اشكالها تقع ))
المهم....المشرفة دخلت وقالت سؤال واحد و ابي جوابه...!!!
وين سميه....!!!
قلنا لها ماندري....كلنا.....
قالت رزززززززززززاااااااااااااااااااااااانننننننن...
انتي ما يخفى عليج شي اكيد تعرفين شنو يصير بالصف قولي لنا وين راحت سمية....
قلت لها ماندري..وانه علاقتي مب اوكي معاها...
قالت اوكي....
طلعت شوي مع سلمى..ورجعت وقالت بصوت عالي :
اللي عندها موبايل تطلعه...!!
قلت بقلبي اتذكر حزتها...هاي بعد...ههههههههههههه
فطوم المسكينه.. عندها بس تقول مالها خلق بلاوي...وهم ماطلعت الموبايل ....
مريم ...وهذي فاتحين محل تلفونات بس عشانها لدرجة تجينا بالتلفونين باليوم...هههههههه...
قامت تقول عشان تغير الموضوع وتنسيه المشرفه :
مشرفة ليش ما تاخدين رقم سمية من سلمى و تدقون عليها..؟؟
المشرفة : وليش انتو ماعندكم رقمها..!!
مريم : لا اهيا ماتعطينا....ماعندنا علاقه فيها...
المهم المشرفة راحت الادارة تدق على سميه..هههههههههه...وعلى ما اهيا جذي...
دقينا على سمية و قلنا لها بكل شي........وبعدها...
جمعنا الموبايلات و خليناهم في جيس وفتحنا الدريشه و قطيناهم...هههههههههههه وقلنا اذا حد خذاهم الله لا يسامحه واذا بقوا خير وبركة...
مرت الدقايق و كنا حييل خايفييين...حتى كان في طائرات..فوق المدرسه...
الا تقول فطوم : حتى الخبر وصل لشرطة وراحوا يدورن على سميه هههههههههههههههههههههههههههه ...!!
بذاك اليوم مادرسنا ولا شي من بركات سمية...الا الحين نناديها (( جوجو )) مع الايام بتعرفون....السبب و التفاصيل الباقيه ...لأنه هالاحداث كلها كانت بشهر 4 سنة 2005...هههههههه...

******************

يتبع

تابع الجزء الثالث

رجعت لنا سلمى و اهيا تقول لنا اذا صار بأختي شي لا تلوموا لا نفسكم...!! قلنا لها انتي تدري وين اهيا ولا تقعدين تسوي افلام.....
سكتت وراحت تدق على ابوها عشان يجي المدرسه و يكلمني انا....رزان...
وكأني انا اللي عرفتها على عزيز و انا اللي قلت لها تعالي طلعي اوياه.....
وانا و أنا ,,,,,,,,,,,,,الله يستر عليها بس....
أبو سلمى و سميه....ما اهتم للموضوع لانه حاس او عارف بنته وين....
ماشالله و نعم الآباء...
مرت الحصص..على خير و دق الجرس و طلعنا......
(( والحمدلله الموبايلات محد جاسهم ههههههههههههه ))
وحاولنا ندق على سميه...الا صدمتنا و اهيا تقول مابرد البيت...وخلاص انسوني....قلت لي..رزان لو رديت اكيد بتصير لي مشكلة اكبر و هذا غير اذا ما فصلوني وانتي تعرفين ادرة مدرستنا وايد شديدة....
قلت بقلبي شديدة معانا مو معاكم...هههههههههههه...
فطوم كلمتها : سميه اذا انتي من البداية خايفه ليش تسوي لج مشاكل و ليش كل هذا...
سميه ردت : وانتو شكو...خلاص خلووووووووووووني ..وسكرت التلفون بوجه فطوم المسكينه ....
مريم : انا بديت اشك انها حتى الهديه ماودتها البريد...
رزان : شي عادي من اسلوبها و تصرفاتها...
فطوم : حرام لا تحطون شي بذمتكم...اهيا وعدتنا اكيد وصلتها....
رزان : الايام بتثبت لنا...هالشي...
مريم : وليش ننطر اكثر بكرى الخميس اجازة ليش ماندق على البريد و نسالهم اذا حد ارسل هديه امس الى عنوان ذكرى...
رزان : أي والله فكرة ....بكرى من صباح الله راح ادق واشوف ...
الكل رجع البيت...و فطوم في بالها...وخايفه انه الهديه ماراح توصل لذكرى خصوصا" انه مع الرسالة صور فطوم ....!!!
فتحت باب غرفتها الا الحبيب هدوي مكلمها...لانها نسيت الجهاز مفتوح...
هلا فطوم...
وينج...
مارديتي من المدرسه..
راحت تكتب له اللي صار اليوم....
وهادي بدى الخوف ياكل قلبه.....
خصوصا" الموضوع فيه صور....فطوم.....وهالشي راح يتعب فطوم اكثر...
حاول يهدء نفسيتها وقال لها عطيني رقم سمية راح اكلمها...وسالها عن الهدية
قالت لالا...اكيد وصلت الهديه لا تخاف....
هادي احتار شلون يوصل الكلام الى سمية...ويقول لها انه صور فطوم امانه عندها و حرام اذا صار فيهم أي شي...وانها لا تدمر مستقبل البنت...
واشياء وايد لانه كان حاس انه الهديه ماراح توصل الى ذكرى بتونس من بعد ما قالت له فطوم كل التفاصيل...
فطوم : هادي انا بروح اصلي و اتسبح و بنام لي شوي و انشالله لي ماما ما خذت الهاردسك اكلمك الليل..
هادي : يارب ماتاخده بس انتي خلج طبيعييه و لا تخلين شي ببالج و لا تخافييين وانشالله كل امورج راح تنحل...
فطوم : انشالله...ومشكور هادي قلبك وايد كبير...وانا ارتحت لك....حاسه حالي اكلم استاذ و لا طبيب نفسي. ...
هادي : والله هالشي مفرحني انا اكثر....اول مرة اشوف بنوته عاقله و بهالسن....
يالله روحي ما اعطلج...وتغدي عدل....ونامي و لا تفكرين..
فطوم : انشالله من عيوني...يالله مع السلامة و اشوفك على خير...
هادي : بحفظ الرحمن .....
******************

الجزء الرابع

صار المساء...ورزان و مريم اجتمعوا في بيت فطوم...
حاولوا يشوفون حل الى هالمشكلة خصوصا" انه فطوم خايفة على صورها...وانه الهديه ماتوصل......
حاولو يهدئونها لانه أي شي يمكن ينزل دمعتها...
حاولوا يبقون معاها..وما يتركونها بهالحال...وكل واحدة قامت تلوم الثانيه...
دقت رزان على اهلها و مريم على اهلها وقالوا راح يناموا في بيت فطوم...
نامت مريم و فطوم و ظلت رزان سهرانه تنطر الصبح يطلع عشان تطفي النار اللي فيها...
هادي المسكين راح ينطر فطوم يبي يعرف اش صار على صورها و قصتها مع سمية...بس بذاك اليوم فطوم نست...وهادي بدت فطوم تشغل باله....
لين ما يى الصبح و حست رزون انه الفرج ياها.....
وراحت تتصل البريد...
سألتهم عن إذا تم ارسال رساله تحتوي على ...
خاتم ذهب و تي شيرت ومرسله تونس....وهل هيا انرسلت بالبريد السريع...عن طريق Dhl او لا...
بس ...........!!!!!!!!
اللي بالبريد قالوا لا....وماوصلتهم...
رزان : يعني معقول خذت الرساله و ما دزتها...!! مو الخوف انها تاخد الخاتم و التيشيرت و الفلوس الخوف على صور فطوم و هذي شكلها راعية بلاوي....!! اهم شي الخبر ما يوصل لفطوم...
رزان ما طمنت..وقالت لازم اتصلت الى شركة البريد السريع Dhl...
لكن الصدمة اكبر...............
رزان ما قدرت تنام ذاك اليوم....قالت لازم اروح بيت سمية و شوف شنو قصتها.....
حاولت تحط راسها و تنام بس ما قدرت....كل شوي تصحى..
صارت الساعه 12 الظهر و صحيت فطوم و مريم...وحاولت رزان تخبر مريم بطريقة غير مباشرة عشان ماتحس لها فطوم...
رزان : مريم..بسرعه تعالي قبل لا تسمعنا فطوم..
مريم : ليش اش صار شكلج مو نايمة..عدل..
رزان : أي ...ماقدرت النار ماكله قلبي..
والله ما ادري شقول لج بس لازم اروح بيت سمية و ارجع من دون ماتدري فطوم...
قالت لها مريم قولي الى فطوم انج راح تاخدين لج ثياب من بيتكم و بتردين...
رزان : اوكي...بس اهم شي انتي ما تحسسينها بهالشي..وخلج طبيعييه..
جدام فطوم..
رزان راحت و قالت الى فطوم انها رايحة تاخد لها ثياب و بطريجها بتاخد ثياب لمريم من جذي راح تتاخر وايد...
طلعت من البيت رزان و دقت على امها عشان تاخدها و تقول لها القصة...
واهما بالطريج دقت رزان على سمية تبي تعرف اش صاير..
لكن جهازها مسكر...قالت راح ادق على بيتهم...لازم اشوفها اليوم...بس ماكان عندها رقم بيتهم...
دقت رزان على البنت اللي كانت تجلس يم سمية...وكان اسمها.. (( بلقيس )) وهم من اليمن : ) لوووول...المهم..
قالت لها ابي اشوفج و تواعدوا عند المدرسه...وقالت لها ابيج توديني بيت سميه...وفهمتها الموضوع و بينت لها انها خايفه على سميه...عشان تقدر توصل الى سميه.....
وصلنا بيت سميه ولا كأنه صاير شي عندهم..
دقينا الباب و قلت ابي سميه...طلعت اختها سلمى و تقول سمية مو اهني..!!!
قالت لها معقول مو اهني و الساعه 1 الظهر...!!
رزان : شوفي سلمى والله لي ما طلعتي لي سميه ..الحين الحين ماراح اخلي هالموضوع يعدي على خير...
بلقيس : ليش شنو صاير...واي موضوع..
رزان : يعني انتي ما تدرين انه انا و فطوم عاطينها هديه و قلنا لها دزيها البريد...
سلمى : ههههههااااااي ا قول و هدايا طاحوا بيد سميه انسوهم حبايبي و يالله انا بروح اتغدى مالي مزاجكم...
وسكرت الباب...!!
انا عصبت و رجعت ادق الباب ..وامي شافتني معصبه نزلت وياي..
وطلعت لنا امهما...
وقلنا لها بالقصة...قالت انا ما ادري بشي عن الموضوع...
تقدرون تدخلون لها...
رزان دخلت الى غرفة سميه و ما شالله....الهديه مفتوحه....والصور معروضه على السرير و العفسه...وكانه الرساله دازينها الى سميه مو الى ذكرى ...!!!
انا بذاك الوقت ودي اخنقها من رقبتها و اذبحها من الضرب...
بس تمالكت اعصابي...وقلت لها عطيني الهديه...وقلت كلام وايد الصراحة لاني ماكنت حاسه لحالي...
وما احترمتها لانها طلعت مو محترمه...
والدليل اهلها مو مهتمين لها و ما يعرفون عنها شي...
وكنت اقول هالحجي جدامها اهيا واختها...
الا تسوي لي سلمى :
على فكرة يا رزان...انا امس كنت ادري وين سميه بس كنت متهاوشه معاها...وقلت لها راح اورطج...
وراحت تضحك بكل حقارة....وقالت اصلح اصير ممثله ؟
على فكرة ترى العشرة دينار مال الرساله...تقاسمناها انا و سميه و شرينا كردت هههههههههه قولي الى صاحبتكم مشكورة...
بس انا سكت عنها وتهاوشت مع سميه على الرساله ...سحبت صور فطوم واللي قدرت آخده....وطلعت....
اتذكر ذاك اليوم كان مأساوي..حتى جسمي كله اصابات على قولة مامتي ههههههههه.. رجعت البيت و خليت حتى بلقيس في بيت سمية..لاني كنت منهاره على الاخر...ماتوقعت بتسوي فينيا هالحركة...
رجعت البيت ودقيت على فطوم قلت لها تغدوا عني..وانا بتاخر بروح مع ماما الى ماما عودة لانها مريضه...رحت اخذت لي دوش...وصحصحت و هدئت بالي....
دقت علي مريم وطمنتها...وقالت الحمدلله..الحين لازم نطمن فطوم....وقول لها انج رحتي عشان هالموضوع...
مريم راحت تقول لفطوم....
وفهمتها بكل شي..وطمنت قلبها...وقالت لها الهديه انشالله ترد لج و احنا نوصلها....واذا تبين هم احنا راح نشتري خاتم و تي شيرت و بندزه لها..
فطوم قالت : لا خلاص الله موكاتب انها توصلها...
وبين ما اهما يتكلمون...وصل فطوم مسج فيه وجه حزين...وعلامة استفهام...من رقم كويتي لكن هالمرة غير...
فطوم على طول خطر ببالها هادي...قالت اكيد اهوا...
حاولت تتصل على الرقم بس محد يرد...
قالت لمريم بسرعه افتحي المنتدى....
لقيت رسائل الدنيا....
وكل مضمونها...
فطوم طمنيني عليج وايد احاتيييج...
وحط لها رقمه قال لها اذا ما لقيتيني اون لاين دزي لي مسج و انا بتصل لج .....
واي وقت يصير لج شي ضروري تقولي لي...
فطوم استغربت...وخافت احساس هادي يتحول من اخوه الى حب...لانه وايد كان مهتم فيها...
فطوم طلعت و اخذت الرقم تقارن بالرقم اللي وصلها منه مسج لقت انه هادي...
لكنها هم خافت تتصل و خافت ترد عليه ...
بس دزت له مسج آسفه لاني البارح ماقدرت ادخل....واتمنى ما زعلك هالشي..
دز لها...هالمسج...ولحد الحين محتفظه فيه وقاعدة انا اكتبه مباشرة من موبايلها...هههههههههه
(( أقول لج انتي عزيزة و غالية...وفي حد يزعل من روحه ))
فطوم بدى قلبها يرتعش...وقالت اخاف اظلم الولد معاي...
اهوا يقول لي انه انا مثل اخته...ويدز لي هالكلام..تصرفاته و مشاعر وكل شي غير غير....
فطوم سكتت وظل هادي يشغل بالها...
لمى مريم سالتها ...
منو داز لج مسج...!!
قالت لها هذا اعلانات...
مع انه مريم قالت اكيد حد ثاني و يمكن هادي...لانه ملامح وجها تغيرت...
رجعت رزان لهم العصر..
وقالت لهم باللي سوته...ههههههههههه وانها طلعت الصور من عيون سمية....
وقالت الى فطوم سامحيني حبيبتي كله مني كان ودي االهديه توصل الى ذكرى بس للأسف عطيناها ناس مب كفوا...
هالموقف كان وايد حساس حتى نزلت دموعنا....قبل سنتين مو الحين هههههههههههههههههههه...

******************

الجزء الخامس

من بعد ما وصل فطوم المسج...وبدى هادي يشغل بالها...

وبنفس اليوم...بالليل كان ليلة الجمعه...

سهروا مع بعض...وحست فطوم انه مشاعر هادي اكثر من علاقة اخوه...

فطوم ببداية الوقت كانت وايد خايفه انها ما تقدر تبادله المشاعر و تظلمة...وبنفس الوقت كان شي جديد عليها...علاقاتها كلها مع بنات...وماتعدت حدود الصداقه...ماعدا علاقتها القويه في عيال عمها و ولد عمتها (( حسون اللي له دور بحياتها و راح يطلع بالاجزاء...رغم انه اصغر منها بسنتين ))

هادي : فطوم اطلب منج طلب...
فطوم : تفضل.
هادي : أتمنى من كل قلبي أي احد من أولاد المنتدى يدز لج رساله تطنشيه..
ولا تخلي أي حد يأثر عليج و يدخل قلبج..لانج وايد طيبه و حنونه و حساسه فأي حد يمكن
يسيطر عليج....

فطوم : ههههههههه من عيوني لا تخاف تراني تكانه...

هادي : من صجي فطوم...ترى عيال الحرام وايد...و لو لي خاطر عندج احذفي أي ايميل ما تعرفينه...ويدخل اون لاين ..يمكن يأديج.....بأي طريقة..
خصوصا" انج وايد شديدة و بسرعه تعصبين.

فطوم : شكلج خفت مني ههههههه.

هادي : بصراحة بصراحة هههههههههههههههههههههه توقعتج بطقيني بلوك و بتهاوشيني و بتطلعين من المنتدى ههههه..

فطوم : هههههههه لا لا مب لهاي الدرجة...بس انت اول شخص اكلهم من المنتدى و بالمسنجر...

هادي : يعني كلمتي غير من منتديات ثانيه..!!!!!!!!!

فطوم : ههههههههههههه شفيك..!! وانت شنو شايف..انا شلون تصرفت معاك من البداية....باين علي اني راعية حب و خرابيط و صبيان...!!

هادي : وشهادة لله ....لا... بس غريب و شي نادر بهالزمن انه بنوته بعمرج ماعندها خرابيط..

فطوم : انت ما عندك خوات .. ؟

هادي : انا اصغر واحد في بيتنا...والوحيد من بين اخواني اللي مو مرتبط...عندي اخت وحدة بس ..لكنها كبيرة...ومتزوجة و عندها عيال...والحمدلله..

فطوم : الحمدلله انها متزوجة كان بيضيق خلها..ماعندها خوات...بس عندها اخ قلبه كبير و طيب...وحنون....
وآتمنى ما ازعجتك بهالكلام...بس هذا اللي حسيته ..برغم انه علاقتنا قصيرة...

هادي : الله يخليج الى اهلج....وانتي ما عندج خوات ؟

فطوم : عندي وحدة بس اكبر مني وبعيدة عني كل البعد...وانا بالصراحة ما احب اقعد معاها لانها وايد تحسسني بأني بنت فاشلة بالدينا...دايما" تقول لي تفكيرج طفولي...ودايما" تحبطني...فما اقعد معاها احسن لي...ولا عمري شكيت لها...

وعندي اخوان اثنين...وهم مثل القصة...مو قريبيين لي..يعني تقدر تقول طول اليوم بغرفتي.....وما اطلع الا اذا جت لي صديقتي رزان... او مريم ...او صديقتنا الثالثه فاتي...

هذول اقرب صديقات لي....
واحبهم وايد...

هادي : الله يخليهم لج ...بس غلط من اختج انه تبعدج عنها بهالطريقة ...وهالشي مب اوكي...لانج في البداية و النهاية بنت لها مشاعر و احساسيس..وتحسين الى الكلام....

فطوم : الله كريم....اذا اهما مو مهتمين لي شسوي....اقتل روحي....والله يا هادي..ما ادري احس حالي لازم ما اعيش بالدينا...احس اني اعيش حياة ناس ثانيييه..عمر ثااني ...اللي بمكاني لازم يموت....

هادي : لو لي خاطر عند لا تقوووووووووووولين هالكلام...
انتي مشاكلج بسيييييييطه...تعرفين يعني شنو بسيييييييييطه..انا لو اقول لج مصايبي شنو تقولييين...

فطوم : آسفه اذا عصبتك...بس هذا اللي احسه..اش تبي من وحدة مو حاسه بقيمتها و مكانتها و اهيا بين اهلها؟؟

هادي : اقول لج شي...

فطوم : تفضل

هادي : وعد مني ما تنفعلين ..

فطوم : وليش انفعل لهدرجة المشكلة كبيرة...

هادي : يا ريت مشكلة..........الا اهيا مصيبه.....للأسف

فطوم : عسى ما شر يا خوي !!

هادي: أنا كنت اسير..

فطوم : شنوووووووووووو

فطوم : هادي شنو قاعد تقول

فطوم : ما اصدق...كل هالطيبه و الحنييه و آخر شي اسير...

فطوم : هادي رد علي ارجوك...

فطوم : مو قاعدة استوعب اللي اسمعه...

هادي : أي كنت اسير و كان عمري ماتعدى العشر سنوات..
كنت اسير والحمدلله اني رجعت الحين....وانا بخير...لا تخافين.....رغم انه اللي شفته مو قليل...
وما كنت متوقع اني برد...لديرتي و عشقي الكويت...

فطوم : : ( والله ما ادري شنو اقول لك...كسرت لي قلبي و هالشي ما كنت متوقعته حاصل لك ابد ابد...

الحمدلله على كل حال وكل ظالم و له يوم

هادي : أي والله كل ظالم و له يوم....اهم شي الحين انتي ما تشغلين بالج فيني و تريحيين بالج و نشوف لنا حل ويا هالسمية اللي ما ادري من وين طلعت لنا !!

فطوم : خلاص انا نسيت موضوعها...والله ياخد حقي منها..

هادي : ذكرى ما تسأل عنج ابد " ...

فطوم : كل اسبوع اتصل فيها مرة وحدة و ابقى معاها ساعه تقريبا"..

هادي : وليش حكم فرعون !!

فطوم : لا امها مانعتني اكلمها....وتبي الصراحة امها وايد تعاملني بطريقه وكأني
خدامه...ولا شي مستصغرتني وايد.....مب عارفه شلون اقول لك..بس اكيد فاهم لي ...

هادي : أي ا ي فاهم و لو انا منج ما دقييييييييييت و في 60 داهيه لو كانت فعلا" صديقه حقيقة
كان ما رضت يصير فيج كل هذا ولا سمحت الى حد يعاملج بهالطريقة...

فطوم : ما بيدي شي كل واحد مسؤول عن تصرفاته...وكل واحد و ضميره...
انا اللي علي بظل مثل ماكنت...وماراح اتغير....
لانه الطيب يظل طيب...ما يأثر فيه شي..

هادي : اطلب منج طلب...يمكن مو من حقي اطلبه بس اهوا بصالحج..

فطوم : تفضل..

هادي :هالاسبوع لا تتصلين فيها...واللي عقبه و اللي عقبه....وبشوفينها اهيا بتتصل فيش

فطوم : ما اقدر ..متعودة اكلمها كل اسبوع

هادي : لا راح تقدرين...وراح اخليج تنسين ذكرى و بتقولين هادي قال..

فطوم : اوكي راح اتصل فيها...آخر شي هالاسبوع..وخلاص..

هادي : لا لا ...تتصلين.....لو لي خاطر عندج انا ابي مصلحتج فطوم.

فطوم : انا آخر مرة دقيت عليها تاريخ 4/ 4 .

******************

يتبع

تابع الجزء الخامس

هادي : و احسن... لا تدقين ..ما تستفيدين من هالشي غير...الفواتير...اللي راح تهلكم...

فطوم: ههههههههههه شكلك تدري..

هادي : ارجوج فطوم...لا تدقين..واي مشكلة تصير لج عندج رقمي دقي لي مس كول و وانا بتصل..

فطوم : لا لا انا استحي خلنا نتواصل بالمسجات بس...

هادي : اللي يريحج.

فطوم : بس قول لي من وين لك رقمي !!!

هادي : من طريقتي الخاصه.....انا قلت ابي اوصل لج و راح اوصل لج ..واللي يعرف ايميلج و رقمج راح يعرف بيتكم هههههههههه...!!

فطوم : هههههههههه لا لا تسوي لي سالفه..وانت تعرف الحال..

هادي : انا بدخل من الباب مو من الدريشه..

فطوم : علامات استفهام...وخايفة...!!! طبعا"...

هادي : خلاص يبى امزح..لا تستغربين انتي اختي الصغيرونه ..واللي احبها ناديني بابا...

فطوم : هههههههههه من عيوني..يا بابا..

هادي : ماعليج واجبات ....؟؟ امتحانات...؟

فطوم : والله ولا فتحت الشنطة انشالله لي صحيت بكرى الحين صارت 3 الفجر...واحنا للحين سهرانيين..

هادي : أي يالله انا تعبت و لازم اروح انام باجر الكل في بيتنا....العيلة بيجتمعوا...حتى احنا العيلة يجتمعوا بس مو في بيتنا...

فطوم : اوكي ما عطلك...وانشالله نتلتقي...مرة ثانيه....

هادي.. : اكيييد بنلتقي...

فطوم : ولا يهمك اشوفك بكرى....

هادي : يالله ديري بالج على حالج...وتصبحي على خير يا بنتي...

فطوم : وانتي من اهل الخير يا بابا هههههه.

فطوم راحت تطبع المحادثه....عشان تقرئها قبل ما تنام......لانه هادي بدى يشغلها...و بوادر الحب بدئت..

ونفس الشي هادي....راح يفكر بفطوم...وراح يدعي ربه انها تكون من نصيبه....وانه الله يوفقهم ويكونوا الى بعض...

صار يوم الجمعه.....وصحيت فطوم متأخره...وجى لها اخوها...سلمان.

دق باب الغرفه : أي أي سهرانه على النت و الخرابيط و الحين مب قادرة تقومييين...
يالله صحصحي لا تأخرينا نبي نتغدى في بيت العود و الكل ينطرنا..

فطوم : اوكي ..وراحت تقول بقلبها....اي ما يعرفوني و يذكروني الا وقت الهواش و قت اللي يبون يصارخون...

راحت فطوم تتجهز.....وصحصحت ولقت مسج من هادي...

صباح النور فطوم....
ردت عليه ...هههههههه..اي صباح...يا هدوي والحين الساعه 1 ونص...

راحت فطوم...على الغذا..
وسرحانه...تفكر...بهدوي ....و بذكرى تفكر....
يعني راح ترد علاقتنا مثل ما قال هادي لي ...؟؟

وما بين اهيا بهالحال..!!

سلمان قال لها : عطيني موبايلج ابي ادق على موبايلي ما ادري وينه...!!

فطوم : لحظة بشيل صورة رفيجتي لانها محطوطه على الشاشه..

سلمان : يالله..بسرعه..

فطوم : من الخوف راحت تمسح كل المسجات مال هادي برغم انها عاديه...ودزت لهادي مسج...قالت له لا تدز ولا شي...

سلمان : يالله وين التلفون...

فطوم : لحظة....صور ربعي و تلفون بنت اكيييد فيه صور بنات...

فطوم عطت سلمان التلفون...

وراح يتصل على رقمه و بينا ما اهوا جذي...وصل مسج لفطوم من هادي ههههههههههههه...

فطوم قلبها وقف...مسج واكييييييييييييد من هادي...

بس سلمان على طول قرأ المسج...وقاله بصوت عالي..!!

(( من عيوني يا فطوم....اشوفج بعدين بالمنتدى...صديقتج هدى ))

وفطوم قامت تضحك حيييييييييييييل و كان معاها بنت عمها شهد اصغر منها بسنتين و بنت عمتها ايمان هم بسنتين....
شهد : شنو فيج هاااااااااااااا..

ايمان : امممممممممم لحظة يا بنت الخال لحظة..

سلمان قط الموبايل على فطوم.. وفطوم راحت تضحك...

ايمان : منو هدى ؟

شهد : هههههههههه هدى و لا هادي !!

فطوم : ويمكن يكون عبد الهادي هههههههههه شدراكم..؟؟

شهد : يالله صج منو هذا و شنو قصته ...؟؟

فطوم : ومنو قال لكم صبي ...انتو تعرفوني....

ايمان: أي والله يا شهودة هذي وينها وين الصبيان زين منها تكلمنا..ههههههه
وظلوا...طول الوقت يضربوا وخزات الى فطوم...
وعدى اليوم على هالمواقف...يبون يطيحون فطوم بمقلب او انه يزل لسانها....وتقول انها تعرف هادي...

رجعوا البيت..وسلمان قال الى فطوم...
النت ليلة الاجازة الى الساعه 1 بليل و ايام المدرسه الى 11....اوكي ...

فطوم قالت : اووووووووووووووووكي يا سوسو..وراحت تضحك...وقالت له انت مو واثق فيني ؟

سلمان : انا واثق فيج...بس عيال الحرام وااااااااااايد...
فطوم : اوكي انا بروح انام..عشان اصحى مبجر و حل واجباتي ههههههههههه...

سلمان : اوكي يالله تصبحين على خير...

فطوم : وانت من اهل الخير....

فطوم: راحت تنام....و وقتت التلفون الساعه 3 ونص عشان تدرس..

صارت الساعه 3...ونص وقبل ما تصحى على صوت المنبه صحيت على صوت المسج...

فطوم....اكييييييييييد رزون او مريوم او اعلانات.....يالله ما ابي اشوف خل انطر لي ما يدق المنبه..

وبنفس الوقت هادي كان توه صاحي وداز مسج لفطوم...يصبح عليها...

فطوم دق المنبة وهم طنشت....

وماصحيت الا اربع اونص الصبح....

وشافت المسج ودزت له مسج...صباح الورد و الياسمين...

وراحت فتحت الجهاز وشافت هدوي اون و فرحت وايد و كلموا بعض و اكلت فطورها وهم اهيا على الجهاز...

صارت 6 و هادي و فطوم للحين يتكلمون....

دخلت ام فطوم : يالله قومي تسبحي...وراج مدرسه....

فطوم : من عيوني يا مامتي...

وكان باين عليها وايد فرحانه...ونسيت موضوع الواجبات...

وأستأذنت من هدوي و راحت تتسبح و تجهز حالها و هم هدوي راح الشغل....وهم ذكرها...
أي شي تبينه دزي لي مسج...

قالت له اوكي...

رزان دقت على فطوم وكانت تتسبح و وهم مريم دقت عليها بنفس الوقت وصار رقم فطوم ويتنق....ههههههه

ورزان بدت تشك....وقالت مع منو من صباح اللله.....و هم مريم : قالت مع منو من صباح الله و رزان دقت على مريم وقالت : ادق على فطوم و جهازها مشغووول...ومريم : حتى انا....تتوقعين مع منو ..؟؟

رزان : اخاف مع هادي !!
مريم : لالالا..رغم اني شاكه...

وطلعت فطوم و دقت على رزان....وقالت لها انها كانت تتسبح...بس رزان ما صدقت...!!!

وبعدها دقت على مريم و قالت لها...انها كانت تتسبح..!!

قالت لها اوكي اوكي..يالله تعالي المدرسه ننطرج...
ولا تنسين اليوم بنشوف شنو نهاية الفلم الهندي

قالت لهم اوووووووووووووووووووووووووووووووووكي....

******************

الجزء السادس

رحنا المدرسه...وفي الطابور...قالوا صفنا كله يبقى بالطابور وما يروح الصف....

طبعا" كنت انا و مريم و فطوم و فاتي بالمقدمة...
وكانت المديرة تنطر سميه على نار بس كانت متأخره و طبعا" جت المدرسة..و لا كأنه صاير شي...
المديرة : يعني ما تستحين على اللي سويتييه تجيين المدرسه ؟
سمية : والله انا ما سويت شي غلط..!!
المديرة : لو انا منج اغيب اسبوع و اغير المدرسه بعد.!!
بكل قلالة ادب ترد سميه : هالشي راجع لج..!!!
المديرة بعد تردين علي...صج مو مأدبه.وإذا اهلج ما ربوج احنا بنربيج..
ولا تنسين...المدرسة تابعه الى وزراة التربيه و التعليم...اول شي تربيه بعدين تعليم..
واعتبري حالج مفصوله 3 ايام ولا تعبين حالج..مدرستنا ما تشرف
ناس امثالج...
سمية بذاك الوقت سكتت خافت لو تكلمت يصير فصل نهائي...!!
والمديرة قبل لا تمشي قالت لها...
انتي من وين ..؟

سمية : من البحرين و عندي الجنسيه الاماراتييه لاني من مواليد
الامارات..!

المديرة : البحرين و الامارات ..!!
يعني انتي امارتييه..!

رزان : لا اهيا يمنييه..

المديرة : عيل شلون تقولين انج من البحرين...على العموم...

يا غريب كن أديب....))

وراحت المديرة واحنا استانسنا وايييييييييييد من موقف المديرة...
قدرت تاخد حقي منها وشوي فشلتها جدام البنات...

المهم المديرة قالت الى سمية روحي الى المشرفة الاجتماعيه
ودقي على اهلج خلهم ياخدونج انتي مفصوله 3 ايام...

بس سمية ماراحت !! و جت الصف ويانه...!!
حطت يدها على الباب...الا في يدها شي يلمع.....
شي غالي مو من مستواها و اول مرة نشوفه........

انا فتحت عيني اقول هذا الخاتم اللي شريناه الى ذكرى....
قلت الى مريم شوفييه عليها.....
وحاولت ما اقول الى فطوم برغم انها لاحظته.....

رحت لها ...
سمية عطيني الخاتم..بهدوء و بدون مشاكل مو كافي العشرة الي خذتوها..
واحنا و بذات فطوم ما سوت لج شي...!!

سميه : والله هذا الخاتم مالي و انا شكو فيكم واللي بينا انتهى..

رزان : ليش كان بينا شي عشان ينتهي ؟

احنا عطيناج الهديه عبالنا انج بنت ناس..راح توصلين الامانه...
بس طلعتييين مثل ويهج....

سميه : والله انا تاج راسج..

رزان : ههههههههه تاج راسي..والله عاد انا ما ألبس تيجان هههههه
وما بقى الا انتي...خليني ساكته احسن لي....
والخاتم راح يجي يوم وباخده منج...لا تفتكرين بسكت عنج و عن تصرفاتج....

ورجعت رزان الى مريم و فطوم و فاتي وقالت شكلها الحرب بدت...على سميوو..
والله لبهدل معيشتها ...واتمنى انكم كلكم معاي...

مريم : افى عليج...هذي جوجو...وانا بطلع عينها..

فطوم : لا خلنا نخليها بحالها ... اكيد راح تحس بغلطها اذا شافت محد
يحب يكلمها....

رزان : ذنبت الجلب عمرها ما راح تتعدل...

وصلت المشرفة و اهيا تقول الى سمية تعالي تحت...

راحت سمية تحت...وقالت الى المشرفة قبل ما اروح البيت حبيت اقول لج
انه في بنات عندهم موبايلات..واولهم رزان ...

قالت لها انتي روحي وانا بتصرف ...
المشرفة دخلت الصف...رزان طلعي الموبايل....

رزان : ههههههه مجنونة أجيب الموبايل وياي المدرسه ؟
فتشوني و اذا لقيتوا موبايل حلال عليكم...

فطوم : معلمة رزان ما تجيب موبايلها....رغم انها...

المشرفة ردت على فطوم المسكينه قبل ما تكمل كلامها...
هذا مب شغلج...ولا تتكلمين وتقاطعيني...
وكالعادة...
فطوم نزلت راسها وراحت تبجي...!
اتذكر كانت اكثر بنت تبجي بالصف و المدرسه هههههه...

المهم المشرفة صارت مثل المجنونة وراحت تدور على موبايلات بين
اغراض البنات..والحمدلله فطوم ما جاسوا اغراضها...لانها كانت تبجي...
وكانت بذاك اليوم حامله الموبايل...

المشرفة راحت و مالقت شي واهيا بالاساس جايه عشان تشوف اذا كان عندي موبايل انا ولالا...

بس ....ظنها خاب..

طافت الحصة الاولى على هالمشكلة....
وبدت الحصص...
وبما انه رزان مالها خلق شي واليوم كان زفت من بدايته...
اتفقت مع البنات...ما نخلي اليوم يعدي على خير...

مريم استلمت الحصة الاولى ...ههههههههههه
وقعدت كل شي تسأل المعلمة مو فاهمه...
وكل حين ماتعيد الشرح لها لين ما طفشت المعلمة...وصارخت و طلعت..
وقعدنا نضحك...
وظلينا لحالنا لين ما يدق الجرس...ههههههههه
وبدت الحصه الثانيه...
واستملتها صديقتنا العجميه فاتي...
هههههههههههههههه...

وكانت الحصة العربي...
وراحت تقول لها انا معلمة أبي اقرأ الدرس...
هههههههههههه وبما انها عجميه تعمدت تقرء ملخبط...ومكسر...
وكانها اول مرة تقرأ ههههههههه...والكلمة اللي ماتعرفها تقرئها بالعجمي...

المعلمة فلسطينيه..لكنها ماشالله تتكلم خليجي عدل..
راحت تصارخ على فاتي وكأنها تدري انه الموضوع فيه شي..

فاتي قالت لها....

شلون بتتحرر فلسطين وفيها هالاشكال..

هههههههههههههههههههههههههههههه
البنات كلهم راحو يضحكون....ههههههههههههههههههههه

والمعلمة قالت لفاتي اول ما يدق الجرس تنزلين وياي للمشرفة...
دق الجرس...وعلى ما اهي1ا جذي قلنا لها بطريجج روحي ...
اشتري لنا من الكافتريا...

وكتبنا لها لسته أشياء....وتقريبا" الى الصف كله...هههههههه

المهم فاتي راحت الى المشرفة....
و قالت المشرفة ..

من شافت فاتي..

هلا بحبايب قلبي هلا والله..
معلمة العربي : هههههه حددي انا لو الطالبة..

المشرفة : ثنتينكم هههههه بس اقصد الحين الطالبة...ماشالله
على هالصف كل يوم عند الادارة...

وراحت المعلمة تقول باللي حصل...و وقعت فاتي على تعهد...
وراحت بسرعه الكافتيريا...
شرت لنا الاكل..وكل شي...
بس يت متأخره ..على نهاية الفسحة..
وقعدنا ناكل...ودق الجرس و بديت الرابعه...
وما تغير شي...دخلت معلمة الصحة النفسيه...
والصف للحين في حالة الفسحة....
اللي تتكلم بالتلفون...واللي تلعب أونو...
واللي تمزح ويا الربع....
اما انا و فطوم كنا نغني عن الكويت...
فديت هالارض اش قد نحبها.... : )...

معلمة الصحة النفسيه دخلت و طقت على الباب :
شافتنا بهالحال قالت...كالعادة...

اش هالخفافة هذي...هههههههههه !!

وزدنا بالضحك و كنا على آخر حد..مو قادرين ...وبذات انا و فطوم..
وفاتي و مريم من نشوف هالمعلمة ما نقدر نسكت...

مريم بذاك اليوم كانت لابسه مريول قصير...واول مرة تبلسه وتشوفها معلمة الصحة النفسيه...
عدلنا كل شي..وبدت الحصة...
انا و مريم و فاتي و فطوم نقعد بقروب لحالنا...
كل طالبتين مع بعض...
انا و مريم جدام...
وفطوم وفاتي ورانا..

معلمة الصحة النفسيه :
مريم اش له رافعه مريولج..نزليه..ههههههههه

مريم راحت تسوي نفسها تبي تنزله بس اهوا قصير شتنزل فيه
هههههههههههههههههه
وقعدنا نضحك...اكثر و اكثر...

والمعلمة بسرعه شرحت لنا الدرس...وظلت سرحانه ما ادري شنو فيها..
مثل كل مرة..تسرح و تسوي لنا حركات...
شكلها تأثرت بالمقررر وايد...

دخلت علينا بالصف..بنوته اسمها سارة...
ستايلها مثل الممثلة شجون الهاجري بالضبط...
انا فتحت عيني وقلت الى فطوم و فاتي و مريم شوفوا
والله العظيم هذي شجون...
بذاك الوقت كنت اموت على شيء اسمه شجون...
بس الحين...الجنون راح... : ) والحمدلله على نعمة العقل..

وظليت اطالعها ..اقول غريبه...اول مرة اشوف هالبنت بالمدرسه..
برغم اني اعرف كل البنات..!!

ومن ذاك اليوم واحنا نراقب هالبنت و تصرفاتها و نضحك...

المهم..دقت الخامسة...والسادسه واحنا على هالمنوال...
ههههههههههههههههههه..

فطوم يا تضحك كانت يا سرحانه....وكل شوي ما طلعت لنا اوراق...
شكلها مال المحادثه..بالمسنجر...

ههههههههه...انا بديت اشك..وقول لها ابي اشوف...
وفاتي هم على راسها...كل شوي تسوي روحها تبي تشوف...

بس كانت ماترضى...
كل يوم تجيب معاها ولا فوق 70 ورقه...!!!
تصرفاتها غريبه...!!
قلت انا لازم اول ما رجع ادخل منتداهم و سجل و شوف شنو قصة
هالهادي...

رجعت البييت و ماكو ببالي غير اني اسجل بالمنتدى...
سجلت ورحت اشوف فطوم و شوف هادي...
ولقيت وايد فيه انسجام بينهم..بطريقة الردود...!!

وظليت...اقول انشالله مايكون اللي ببالي وانهم مجرد اعضاء مع
بعض...

فطوم رجعت البيت و شافت تسجيل جديد بأسم رزان..
قالت هذي اكيد رزون ويات تبي تعرف شنو صاير...

فتحت المسنجر لقتها اون..كالعادة..لانهم كانوا 24 ساعه مع بعض..
اذا مو بالمسنجر بالتلفون و اذا مو بالتلفون يالسين مع بعض..

المهم..رزان سألت فطوم..
أحسج..تحبين هادي و بينكم علاقة...

فطوم : لاولله مجرد ارتاح له ..لا اكثر و لا اقل..و اهوا يبيني انسى
ذكرى..!

رزان : امممممم مجرد ترتاحين له يعني ما تحبينه ؟

فطوم : أي احبه لكن مو الحب اللي ببالج...

وظليت...اقول انشالله مايكون اللي ببالي وانهم مجرد اعضاء مع
بعض...

رزان : اوكي الايام جاية وبنعرف كل شي...انا بروح اتغدى..

فطوم : اوكي : ) بالعافية..

دخل هادي اون..

هادي : هلا والله فطوم..

فطوم: حيالله هدى : ) هههههه
اشحالك ؟ انشالله بخير..

هادي : الحمدلله ..بخيرأسأل عنج و عن اخبارج..
طمنيني شنو صار بموضوع هالسميه..؟

فطوم : هههه لا تخاف فصلوها 3 ايام..وتصدق اليوم يات و عليها
الخاتم..بكل وقاحة..تصور...

هادي : ماعليج منها اهم شي تتأدب..وإن كان على الخاتم..
بدز لج الف واحد غيره...

فطوم : هههههه لا لا مشكور...

هادي : لا من صجي بدز لج الف واحد عطيني عنوانج..بس..

فطوم : ليش اعطيك اياه...مثل ما لقيت ايميلي و رقمي..يالله
بطريقتك الخاصه طلع عنواني...

هادي : اوكي... ؛)

فطوم : المهم انا بروح اتغدى...وبنام..وانت هم روح تغدى اوكي..

هادي: من عي

وني..بس انتي وقت اللي بتدخلين النت دقي لي رنه..عشان ادخل..

فطوم: اوكي...
******************

الجزء السابع

رزان و مريم و فاتي بدو يشكون في فطوم...وانها عندها علاقة...بهادي...

وعلى ما فطوم نايمة...مريم و فااتي ....هم سجلوا..بالمنتدى...

واعتمدوا انهم يسجلون....بأساميهم الحقيقية...عشان فطوم يبينون الى فطوم انهم خايفين عليها و يبون ينهون هالموضوع بسرعه...قبل ما توقع في شباك هادي...
لانها بسرعه تتأثر و اذا تعلقت بشخص ما تتركه,....

خافوا يغدر فيها و يقطها مثل ما سوت ذكرى معاها...

وراحوا يعفسون بالمنتدى....
وينزلون مواضيع عن الغدر و الخيانه واغاني و تصاميم....ومواضيع الى النقاش عن حب المنتديات...!!

وكان هادي لهم بالمرصاد....يرد عليهم بطريقه...خلتهم...يزيدون...
خصوصا" انه اكتشف انهم ربع فطوم من الآي بي و طريقة ردودهم...
وهم فطوم...قالت له عنهم...

فطوم صحيت...ودخلت المنتدى..ولقيت ...مريم و فاتي و رزان ....يتصدرون القائمة بالمتواجدون..!!!

حطت يدها على قلبها وقالت الله يستر ....

دخلت المسنجر و كلمتهم وسوت نفسها ماتدري باللي قاعد يصير...
رزان : فطوم شرايج بالقروووب...

فطوم : أي قرووب..؟؟

مريم : قرووبناااااااااااا..

فاتي : يعني نقصد كلنا بمنتدى واحد...ههههههه,,

فطوم : حلو عشان ما نفارق بعض حتى بالنت....بس مو حلو انكم سجلتوا باساميكم....

رزان : والله اسمي ماكو عليه يهببببببببببلللللل...

مريم : وانا كنت بسجل بأسم ريم المحبة...بس قلت خلني مريم...احلى

فاتي : وانا هم اسمي احلى يبان انه انا عيمييية...

فطوم : هههههههههههه شنو مسويين بالمنتدى ولا فوق الف موضوع منزلين...مالكم الا هادي يحذف لكم...

رزان : ليش بيحذفهم بالعكس المواضيييع عجييبه و كلها رصاصات...ههههههه

فطوم : رصاصات في منو هههههههههههه ولمنو ههههههه

فاتي : في وجة العدوو...

فطوم : ههههههههههههههههههه أي عدوو شكلكم ههههههههههههه فيكم شي و لا متأثرين بالحرووب و بمعلمة العربي الفلسطيينه ههههههههههههههههه شكله يا فاتي التعهد لحد الحين مأثر فيج..

فاتي : صج أنا خفت انه فصل او استدعاء ولي امر هههههههههه بس ماتاثر ....

مريم و رزان راحوا يتكلموا بمحادثه لحالهم وقالوا انهم راح يتكلمون عن هادي يبون يشوفون ردت فعل فطوم شلون...

مريم : فطوم هادي شكله حلو ماعندج صورة له...
فطوم : أي عندي....بس صغيره...باجر بوريكم اياها..

رزان : وش لون وراج اياها..؟؟

فطوم : اهوا كان يحطها بالمسنجر...وشفتها....فيها شي !!!؟؟!!

رزان : صج شكله وايد حلو وباين عليه كبير عقله...من طريقة ردوده علينا...

فطوم : أي كبير عمره 26 سنة...بس ماشالله عليه ما يبين...

مريم و فاتي و رزان : امممممممممممممممممممممممممممممم

فطوم : شفيييييييييكم امممممم قال امممممممممممم...

رزان : لا ولا شي بس ....

فطوم : بس شنو...؟

رزان : خلاص خلاص...قلت لج الايام بتثبت لنا...

فطوم : اوكي خلها تثبت لج...وقلت لج ماعندي هالسوالف...

فاتي : اوكي انا بروح الحين...صار المغرب وقت الاذان..

مريم : حتى انا لاني بطلع مع اختي بعد الصلاة..ما ابي اتاخر..

رزان : بس انا يا قلبي بظل ما بروح مكان....

فطوم :احسن انا بعد ما بقوم...

دخل هادي اون...

وفطوم انشغلت مع هادي...

هادي : هذول ربعج ؟ اللي مسجلين اليوم..؟

فطوم : أي وانا شكييت انهم يبون يسوون شي بالمنتدى...
هادي : مثل شنو يعني ههههه يفجرونه .. ههههههه ؟

فطوم : ههههههه لا لا بس انت ما تشوف شلون ردودهم...و مواضيعهم...؟؟

هادي : والله لو مو ربعج كان طقيناهم باند...

فطوم : هههههه يعني صرت انا سبيشل بالمنتدى ؟

هادي : انتي لو تبين تصيرين بالادارة من عيوني...

فطوم : لالا اش لي بعوار الراس...خلني عضو عادي احسن...

هادي : شنو هالردود هههههههههههههههههههههههههه شفتي شنو كاتبين على خاطرتج...!!!

فطوم : لا ما شفت شي....

روحي شووفي....

فطوم راحت تشوف...ردودهم....
في خاطرة اهيا منزلتها و حاطه صوة من غرفتها فيها دمى و العاب و دببا و ورود
واشيا طفوليه محطوطه بالكورنر...

فاتي كتبت : يااااي العاب فنننن

مريم : هالزاوييه تغدينا يمها ذاك الاسبوع

رزان : هههههه اكا هديتي مال عيد ميلاد فطوم ههههههه .

فطوم : راحت تضحك هههههههههههههههههههههههههههههه...

وهم هادي ..مثل الشي....بس مشرفة القسم...تنرفزت من هالشي...
وقالت بتحذف الردود...

وبين ما اهما يتكلمون...

رزان : وووينج تكلمييين منوووووو اشوفج سكتي ...!!

فطوم : أي قاعدة اكلم المراقب مال المنتدى هههههههههههههه .

رزان : عطيني ايمييله خليني اكلمه..

فطوم : ما اقدر تبينه اطلبيه منه...

رزان : امممممممممم اوكي...

صار وقت المغرب و فطوم راحت تصلي عشان تجهز حالها و تروح بيت امها العودة...
رزان ظلت ميته تبي تعرف هالهادي اش قصتها...وتمنت من كل قلبها اذا كان بينهم علاقة هادي يكون صادق معاها...

صارت الساعه 7 وراحو بيت جدتها...وطبعا" الايميل ما يتسكر..حالها من حال الربع... 24 ساعه اون لاين...

فطوم قعدت تتابع المباراة مع اخوها سلمان....

بين ريال مدريد و برشلون...بس ما ندري اهوا يشجع منو هههههه...

المهم...وصل فطوم مسسسسسج..من هادي ...

فطوم...ممكن اكلمج شوي و ضروري )) ؟؟

فطوم قلبها رقع خافت..على طول سكرت الموبايل....

الا سلمان كان يراقب تصرفاتها..واهيا ماتدري...قال لها..عطيني الموبايل....
كان اهو يبي يشوف المسجات اللي عندها واذا عجبه مسج يبي يدز مسج الى البنت اللي بيخطبها ..(( ريم ))..
راح يكون لها دور بحياة فطوم بالاحداث القادمة...

فطوم: مافيه جارج..وانا سكرته...

سلمان : ما عليه انا بحطه على الجارج...

فطوم : سكتت..بعدها..ٌقالت اوكي....
بس لاتشوف الصور و العفسه لانها فيه صور ربعي...

سلمان : وليش ما اشوف انتي مو واثقه من نفسج...

فطوم : واثقه..بس قلت لك صور ربعي

سلمان : اوكي لا تخافين...

فطوم : عطته الموبايل وكانت ميييته من الخوف..
كانت مسميه هادي بأسم هدى...بس اهوا طريقته بكتابة المسجات باين انه ولد...

سلمان : اش فيج الوانج تغيرت...

فطوم : لا مب خايفه ولا شي....

فتح سلمان الموبايل و خلاه على الجارج...ونطر...شوي عشان يشوف المسجات ...والتهى بالمبارة ..وفطوم سوت روحها معاه تشجع...

رن الموبايل...فطوم وقف قلبها و بدت عينها تدمع ...سلمان يقول لها ردي...شفيج..

فطوم : مالي مزاج...ما اعرف اكلم ربعي وانا في بيت العود فوضى و ازعاج..

سلمان : اوكي انا برد...

فطوم : لالا شترد...كلهم ملتزمييين....وما يكلمون صبيان...

سلمان : اوكي عيل ردي جدامي الحين...

فطوم : قطعته وسكرت الجهاز.....وراحت طلعت برع.. الغرفة اللي فيها سلمان..

فطوم من الخوف...بسرعه تبجي....بسرعه ما يحتاج شي..وتنزل دموعها...
وراحت تبجي حيييل حييل...

وسلمان : طلع من الغرفة قال لها شنو فيج ....؟؟ رن الموبايل و ما تبين تر
ردين جدامي شنو فيها يعني ؟؟؟ اذا انتي واثقه من نفسج ....اتصلي على هالرقم اللي دقوا لج عليه...

فطوم : ها شفتي يا ماما قاعد يشك فيني اهوا شاك فيني بس يبي دليل...

ام فطوم : سلمان خلها بحالها فطوم ماعندها سوالف و كل بنت باين من شكلها و تصرفاتها و انت تعرف اختك حتى شعرها ما تطلعه...

سلمان : ياااما تحت السواهي دواهي...يجيونج ناس مو ملتزميين و مو متحجبييين اشرف من اللي عليهم بنات...

ام فطوم : احنا شكو في بنات الناس و الحين شجيب طاري الشرف...هذي اختك حرام عليك...

فطوم : راحت تبجي...وتدخلو العائله...يحاولون يهدئون سلمان...وانه يخف شوي عن اخته...

فطوم راحت تبجي و تصلت الى خالها القريب منها وايد...

فطوم واهيا تبجي : خالي تعال لي بيت ماما عودة الحين...

خال فطوم : ليش اش صاير و ليش تبجييين ؟؟؟

فطوم : تهاوشت مع سلمان ...وايد يشك فيني و يبي مبايلي...

خال فطوم : انتي واثقه من نفسج ....خلاص عطييه الموبايل...

فطوم : شلون اعطيييه و فيه اشياء تخصني ...

خال فطوم : اوكي بس عطيييه عشان يرتاح و يفك عنج ..اهوا خايف عليج..
تعرفين انتي بسن مراهقه ...وانتي ما شالله عليج حلوة وايد....

فطوم : اوكي انا بسن مراهقه بس مو يعني اني رايييحة علييي...واكلم الف صبي و صبي...

بذاك اليوم..كان مع فطوم بنات عمها و عمتها...واقرب بنوتات لها..

شهد و ايمان..بقوا معاها و هدئوها و قالوا لها..لاتتقربين الى سلمان و انسيه...انتي تعرفيينه...

فطوم نامت...ونسيت انه المسنجر بالاساس مشغل من الظهر...
دخل اخوها سلمان...وقال لها...
انا مابسكت عنج...لا تفكرين اني راح اسكت عنج....
وكتب لها ادري فيج اون لاين بس حاطتت اوي..ردي احسن لج...
لا سكرت النت عليج...او الكهربا اللي بالغرفه كلها...

وسلمان راح يكتب و يكتب...بس الله ستر...
زوجتة المستقبل ريم دخلت و راح يكلموا بعض و نسى موضوع فطوم...

صارت الساعه 1 بالليل,,,
رزون ظلت تفكر باللي صار اليوم...ومثل الشي هادي..كان متواجد بالنت...واثنينهم كانوا اون لاين...

هادي ضاف عنده رزان و راح يكلمها و يسالها عن اخو فطوم..واهلها..

رزون على طول قبلت الاضافه لمى شافت ايميل هادي..

هادي : مرحبا رزان

رزان : هلا اخوي..

هادي : اش حالج..عسى ماشر مو نايمة ما عليج مدرسه ؟

رزان : علي بس ضايق خلقي...و مو جايني نوم..افكر باللي صار اليوم..

هادي : حتى انا والله...

رزان : معقووول...!! بمجرد مو اضيع نزلناها شغلنا بالك..!!

هادي : لالا أي موضوع أي خرابيط..!!!! انا اقصد شي ثاني ..
انتي ما دريتي عن فطوم و اخوها ...اليوم ..

رزان : : ( لالا شنو صاير بعد

هادي : انا اليوم دقيت على فطوم...وصارت لها سالفه...!!

رزان استغربت و سوت روحها تدري بالموضوع..مع انها كانت منصدمه انه هادي عنده رقم فطوم..

رزان : أي اخوانا وايد شديييديين بس ليش انت داق عليها شنو صاير..

هادي : كنت ابي اطمن عليها ...لاني قلت لها لا تدق على ذكرى و اليوم السبت و تونس عندهم اجازة و اليوم موعدها مع ذكرى...وانشالله ما تخيب ظني...

رزان : اها...انشالله ما دقت...وزين تسوي..يا خوي ..بس
فطوم صعب صعب تنساها... لانها اذا تحب حد تحبه من كل قلبها...
وما تتنازل عنه لو شنو يصير..

هادي : بس هالشي مو اوكي...ناس وايد راح يذلونها...بهالطريقة...
زمن الطيبه ولى...
رزان : أي والله يا هادي..زمن الطيبه ولى...

هادي : رزان تشرفت بمعرفتج...والحين عن اذنج بروح...انام وراي دوام..بس لي شفتيها طمنيني عليها...

رزان : انشالله...حتى انا بروح انام...تصبح على خير..

هادي و رزان....راحو و طبعا" المسنجر ما تسكر...كالعادة الكل اوي..

***********************

*********************** [/size]

الجزء الثامن

صار الصبح...وفطوم سخنت حيل وماقدرت تروح المدرسه..مبجر...

رزان دقت على فطوم :

رزان .. ألووو صباح الورد يا قمر..

فطوم : صباح النور رزون..

رزان : فطوم شنو فيج للحين ما صحصحتي ..!!
مابقى شي على الطابور..

فطوم : مو قادرة اقوم من السرير..مسخنه حييل والله..

رزان : خطاج السوء...اي قال لي البارحة هادي...

فطوم : نعم...شنو...هادي...اش دخله بالموضوع..!!

رزان : لا لا ولا شي..نامي الحين و وقت اللي تصحين حاولي تجين المدرسه..
لانه الصف بدونج مو حلو...

فطوم : لا لا تعالي...اش دخل هادي بالموضوع..

رزان: دقي عليه و سأليه..

فطوم: رزانووو يا لبايخه راسي مصدع مب قادرة قولي لي شنو صاير..

رزان : وليش انتي مهتمه له جذي..!!

فطوم :ابي اعرف لا اكثر و لا اقل...

رزان : اوكي لين نمتي وصحيتي و صرتي افضل بخبرج..

فطوم : رزاااااان لا تعورين راسي اكثر يالله باي باااي باايي

فطوم سكرت التلفون...وقامت من السرير...فتحت شاشة الجهاز...
وحاولت تشوف من اللي كلمها...

اولهم و طول محادثه كان الى اخوها سلمان...
وكله كلام و تهديد...

فطوم تضايقت اكثر و على طول سكرت الجهاز ولا شافت كلام هادي..
وانه يتعذر لها و انه يبي يكلمها ويسمع صوتها..

فطوم الف شي ببالها اخوها سلمان اللي من بداية العلاقة واللي مو متحددة انها صداقة ولا حب...واهوا شاك فيها ....ومبهدل عيشتها...
وهادي اللي شاغل بالها طول اليوم...واهيا بينها وبين نفسها بدت تحبه بس خايفه..انها تكون مشاعرها حب مراهقه و بعد فترة تبتعد عنه...وبنفس الوقت خافت...انه يبادلها الحب لكن الاخوي..
وهم في بالها ذكرى اللي اختفت لسبب مشكلة بسيطة...وهانت عليها العشرة..!

راحت فطوم تاخد لها دووش...تصحصح فيه و تعدل نفسيتها...
وراحت طيران الى المدرسه عشان تعرف سالفة هادي...
دخلت فطوم الصف..وكان عندهم حصة رياضيات...والصف مقلوب فندق..
لدرجة المعلمة ما سألت فطوم ليش متأخره...!!
على طول ركيض راحت فطوم الى رزان..!!
ها اش صاير بشري انا جييت عشان بس اعرف كل القصة...

رزان : ههههههههههههههههههههههههههههههه
وتقول ما تحبه هههههههههههههههههه..

فطوم عصبت لانها ما تبي حد يعرف بالموضوع...

مريم : ها شصاير اشم ريحة هوشه...هههههههههه

رزان : انتي خلج...ويا شعرج وعدساتج احسن لج...

مريم : خخخخخخ وانتي خلج ويا هوشتج..

بذاك الوقت فاتي كانت تتكلم بالتلفون ولابسه الشيله..
ولا من شاف و لا من درى..!! هههههه ولا كأنه في حد بالصف...

فطوم : خلينا من مريم و ردي علي..

رزان :انتي ليش مكبره الموضوع....
مجرد البارح نطرتج تدخلين النت ...بس مالقيتج...وياتني اضافة من هادي
يسأل عنج...

فطوم : أي و بعدين و شنو قال لج و شنو صار..

رزان : إنا لله شنو فيج قلت لج...
مجرد سأل عنج....لانه خايف عليج من اخوج...

فطوم : اوكي خلاص...بس لمى نرد دزي لي المحادثه بليزز رزون..

رزان : اوكي اوكي...يا جوليت...

فطوم : رزانووو بلا هالحركات....اوكي...

رزان : هههههه يا التلحة...
بس تعالي و قولي لي شنو قصة سلمانووو ؟؟

فطوم : خليني ساكته مالي مزاج شي والله والله صاكه فيني الدنيا منه..
انا ماسويت شي و تصرفاتي عاديه واهوا كله يشك فيني...

وبين ما اهما بهالحال و يتناقشون...

دخلت الهانم...سمـــية الصف..!!!!!!

رزان ومريم و فاتي و فطوم...ماتوا من الضحك...
صج صج صج ما تستحي على ويها...فاصلينها وهم تجي المدرسه
هههههههههههههههههههه...
والا الشي الاحلى واللي يلفت اكثر و اكثر...
عليها التيشيرت اللي خذيناه الى ذكرى...ههههههه
لا والمشكلة التيشيرت شتويه والجو حااار حيييل..كان ذاك اليوم كنا بشهر 4
هههههههه ...
احنا قمنا نقط لها وخزات و هم نحمد ربنا على نعمة العقل....صج صج ..
ناس تفشل...المهم...
مرت الحصص...واحنا كل ما نشوف سميه نضحك....
واحسن شي دخلت المشرفة لنا لانها وصلت لها الورقة اللي فيها الحضور و الغياب و التاخير..لقت اسم فطوم وعندها خبر عن فطوم بس سمية اهيا لازم مفصوله..وراحت تضحك عليها و قالت لها قوة عيييين...
وقالت لها تعالي نزلي وياي...بس اهيا مارضت..لانه اكيد الموضوع راح يكبر و فيه استدعاء ولي امر...واكيد لو ما اجى ابوها...راح تظل بالبيت مفصوله هم 3 ايام...يعني المجموع يساوي 6 ايام صح هههههههه !!

فطوم طلعت صورة و خبتها بالكتاب..
فاتي التفت لها و قامت تقط وخزات...
وهم قالت الى رزان لحقي اكا صورة بالكتاب...

فطوم سمعتهم وقالت هههههههههههههههههاااااااااااااااي
اصلا" انا يايبه الى رزان صورة هادي اهيا قالت تبي تشوفه...

كلهم تجمعو حولها..وقامو يبون يشوفون صورة هادي..
كل وحدة قالت حلو...وانه كويتي ملامحة حلوة...
رزان قامت تقول هااا يبى اذا صورة حلو و اسلوبه حلو اكيد صوته حلو
يالله حلنا ندق عليه ونتأكد ..
فطوم : لالا اش تبون بصوته ...
رزان : هههههه اش فيج....فطوم قولي لي تحبينه..
والله ما بقول الى احد تعرفيني انا اقرب صديقة لج..
مريم : لالا انا اقرب..
فاتي...: انا اقرب..

وراحوا يضحكون...

رزان : فطوم بصراحة احسج تحبينه من تصرفاتج..
مريم : وانا بعد..
فاتي ::اذا ما تحبين هادي اثبتي لنا...

فطوم عصبت و شققت صورة هادي...
ومثلت عليهم انها تضحك مع انها بالعكس محترقة من داخلها..

صارت نهاية الحصة الاخيرة...
والقروب...طلعوا من الصف..يستعدون الى الجرس..
مثل اليهالوا ههههههه...
لفتت نظر رزان البنوته اللي دخلت الصف امس...
وكان ستايلها وايد غريب على بنوتات مدرستنا...
كانت اهيا الوحيدة اللي بهالستايل..
بعدها صار اكثر من وحدة...بس ماكو منافس لها ههههه...

حاولنا نروح لها ههههه بس رزون الخجوله ما رضيت
وماكنا ندري شنو اسمها...
كنا نناديها شجون و كانت تتلف لنا هههه وكأنه تدري انه
ماندري شنو اسمها و انه نناديها ونقصدها...
ههههههه
طق الجرس...ورجعنا كل وحدة بيتهم
رزان على طول قطت روحها تنام وماتغدت لانها البارح كانت
سهرانه...ويا هادي..
ومريم هم مثل الحركة برغم انها 24 ساعه نايمة و فيها النوم
وجوعانه ههههههه
والاحلى فاتي على طول دخلت المنتدى...وبدى المشوار...ويا هادي وقروب المنتدى ...واللي يضحك بالموضوع انها ترد على المواضيع بالعجمي...
ورئيسة المنتدى مغربيه وما بتعرف عجمي ابددددددا"...
وكان كل ماترد على موضوع يحذفونه لها لانهم على بالهم انها كاتبه كلام سب و شتايم...

ههههههههههه هالشي كان يضحكنا ولحد الحين كل ما نتذكر هالشي نضحك...
اما العاشقة فطوم...دخلت البيت ولقت...سلمان بالمقدمة...وبيده فاتورة التلفون...
سألها : انتي تدقين برع البحرين...
فطوم : سكتتت...
سلمان يى لها و حط اصابعه على راسها ...وقال لها :
انا اذا كلمتج تردين علي فاهمه...
فطوم: فاهمه...
سلمان : تدقين على منو جاوبيني..
فطوم: يعني منو غير ذكرى..منو..منو...
سلمان:لا تصارخين انا مو اصغر عيالج...
فطوم:ولا حتى انا اصغر عيالك على ما اظن امي و ابوي الله يخليهم لي
للحين عايشششين..
سلمان : مو معناه اهما ساكتيين عنج و لا هيين انا هم اسكت...
انا ما اقدر اشوف الغلط واسكت...
فطوم: أي غلط...اي غلط قول علمني...
سلمان:سألي نفسج كافي فضايح...والبارح ليش ماتردين علي...
هااااا..ليش....؟ كنتي سهرانه مع منو..
فطوم : مو مع احد وكافي عوار راس ارجووووووك

ام فطوم تدخلت لمى شافت الموضوع بيكبر...

سلمان واللي يعافيك اختك مريضه وراجعه من المدرسه خلها ترتاح...

سلمان : أي مريضه والبارحة..سهرانه على المسنجر الى الفجر...
فطوم : منو قال سهرانه انا نايمة من اول مارجعت ..
سلمان: يا حليلج....وانا اللي شفتها اون منو هاي لا تقولين صديقتي فاتحه ايميلي..
فطوم:انت ليش مو راضي تصدقني...
سلمان : لانج جذابه...
فطوم: ماما شوفيه انا تعبت منه و من بلاويييييييييييه تعبت
كلما ابي ابتعدت عنه..يسبب مشكلة ونرجع نتهاوش.

ام فطوم : واللي يسلمك ابتعد عنها لو لي خاطر عندك...
سلمان: انا اليوم حاط عنادي...
يا الهاردسك تعطيني يا الموبايل...!!! يا باسورد ايميلج ..!!

فطوم:لا هذا و لا ذاك و اذا تبي الهاردسك عطني الاب توب مالك...

سلمان ::: ههههههه والله ضحكتيني....
فطوم: لا تحلم...اعطيك شي من خصوصياتي.
سلمان: يا حبيبي...خصوصياتج....الحين انا مصّر لي ما اخذت الجهاز بالطيب آخده بالقوه...
فطوم:راحت تركض غرفتها وتبجي..دخل اخذ الهاردسك...وطلع...

ام فطوم : حرام عليك...اللي قاعد تسويه بأختك....
وهم ام فطوم مثل الشي..ضاقت فيها الدنيا وراحت غرفتها..تبجي على فطوم !!!
وبذاك اليوم محد تغدى في بيتهم...
لانه سلمان راكب راسه على قولتهم..!!

فطوم دزت مسج الى هادي..
أي احد يدخل اليوم المنتدى بأسمي هذا مب انا...وبليز وقف عضويتي..
بليز هادي...

رد عليها هادي...
ليش اشفيج فطوم..عسى ما شر...

ردت عليه..اخوي راكب راسه و مو تاركني بحالي..
وانه اخذ الهاردسك ...
اعذرني وايد تعبتك معاي بمشاكلي اللي مالها اول من تالي..

رد عليها هادي..
لاتقولين هالكلام انتي مني وفيني حتى لو تركتيني
وكشتي فيني انا ماراح اتخلى عنج لين ما اردج بنت مثل باقي البنات..

فطوم من بعد هالمسج...حست انه هادي بدى يتقرب لها...
اكثر و اكثر...

حطت راسها بتنام....
واتصلت فيها ريم...اللي راح يخطبها سلمان ..بالصيف..

ريم : الو..فطومة نايمة حبيبتي ..؟

فطوم : لا لا بس عندي وجع راس شوي...

ريم : تحملي اخوج واللي يسلمج..لاتتضايقين اهوا خايف عليج..
ويبي مصلحتج..تعرفين كلام الناس..

فطوم:ليش انا شنو مسوويه ...قولي لي خبريني يا ريم...

سلمان قاعد يشككني في روحي...لدرجة ما تتصورينها...
يعني مو اصابعج سوا...

***********************

ريم : اهوا خايف عليج انج تطلعي مثل بنت عمتج..
زهور..(( هذي راح يجي دورها بالاجزاء الجايه ))

فطوم: انا غير عنها...ومو معناه اني امشي معاها يعني خلاص..

ريم : انتي الحين هدي بالج...ونامي و اول ما تصحين روحي تأسفي له.
فطوم:ليش اتأسف له انا مو غلطانه..
ريم : انا ادري مو غلطانه بس جامليه لو لي خاطر عندج...
فطوم: بشرط تقولين له يرد الهاردسك..
ريم : من عيوني...وعد الليلة ولا بكرى الجهاز عندج..
فطوم: اوكي انا بنام و بروح له بعدين...

سكرت التلفون و نامت....
بذاك الوقت...سلمان راح مع ربعه...القهوه...
يشربون شيشه... : )

سلمان مع ربعه...
واحد من الربع...يقول الى سلمان.
البارح كنت اشوف مجلة ماجد...تتوقع شفت صورة منو ...
سلمان : هههههههه لا تقول صورتي...
صديق سلمان : لا اختك هههههههههههه

عصب سلمان و قال أي ادري...شفتها مع انه ما يدري عن الموضوع...
وهالنسخه قديمة حيل يمكن لمى كانت فطوم بالاعدادي..!!

سلمان ما قدر يتحمل و عصب حده...وقال لهم عن اذنكم لازمني اروح
البيت ....بنام....
فتح باب...البيت وهوا معصب حيل حيييل...
قال اليوم الموضوع ما بيعدي على خير....
يا انا يا فاطمة بالبيت....
على طول فتح باب غرفتها....
المسكينه فزت من مكانها...خافت منه...
حط يده على شعرها...
وصرخ عليها ...
ليش حاطه صورتج بالمجلة..
عشان يشوفوها الصبيان و يدزون لج رسايل...
هااااا..يالله الحين تطلعين لي...كل الرسائل..
وتطلعي لي النسخه اللي فيها صورتج.....
والله اذا ما طعتيها ما اخليج تنامين الليلة بالبيت...

فطوم كل ما تشوفه يصارخ عليها بهالطريقة.....
مو قادرة تستوعب...
عفس لها الغرفة و قلبها فوق تحت و طلع ثيابها...
وقامت تبجي...حيل لين ما صابها تشنج...بيدها من كثر البجي ..وماقدرت
تتكلم....
سلمان قام يقول لها : أي مثلي علي مثلي مثلي....
ابو فطوم و امها دخلوا الغرفة منصدمين باللي قاعد يصير..!!

سلمان: قام يقول لهم شفتو نهاية التدلييع.....شفتوا...هذي تربيتكم...
حاطين صورتها بالمجلة و اكيد تراسل الحين صبيان.....

ابو فطوم : ضاق خلقه و طلع....ام فطوم اتصلت بريم....
وقالت لها لازم تجين البيت....نبيج ضروري....

ريم على طول جت....ومنصدمة بحال فطوم....
قالت لها اشفيج ردي علي توني مسكره التلفون وقلت لج اطمني...
شلون الحين جذي حالتج شنو صاير...

راحت الى سلمان تصارخ ..وتقول له حرام عليك...ِشنو قاعد تسوي بأختك...
وبيني وبينك اختك...
اذا ظليت تعاملها بهالطريقة انسى اللي بينا...
اختك منك و فيك جذي تعاملها...انا اش راح تسوي فيني...

سلمان سكت...وماتكلم....وقال لها...
انتي ماتردين قاعد ويا ربعي الا يقولون لي شفت صورة اختك بالمجلة...
يعني ماتحسين بااللي حسيته ذيج الحزه ...
ريم : اوكي وشنو فيها حطت صورتها....

سلمان سكت و طلع برع البيت...ريم شالت فطوم....وعلى طول خذتها الطوارئ...

انزل لكم الأجزاء الباقيه إذا لقيت متفاعلين ورده1

وآآآو مرررررررررررررره حــلوووه

بـس صـرآحــه بـس قـريته أولها هع لأنـه مـآحب الروآيـآت وخصوصـآ لـو فيهـآ حب أو حزن ومشكوووره قلبووو عالموضوع واعذريني

الله يعطيك العافيــه خيتووو

تقـبلـي مرووري وإن شـآء الله تلقـين تفـآعل

مشكـــــــــــــــورة
على مجهوودك الكبير
بس تعبت من القراةء
على العمووم..
مشكــورة
والله انه جهد كبير
تقبلي مروري

مـشـكـوووووووووووووووره حـيـل
وجـزاك الله ألف خير
وإن شاء الله تـلـقـيـن مـتـفـاعـلـيـن كـثـيـر
وتـكـمـلـيها لأني مره مـتـحـمـسهتقبلي مروري Embarassed